Dorothea

2005-03-26T12:59:00.000Z

Færeyjar

2005-01-27T19:38:00.000Z

Flutt

2004-10-26T16:38:00.000Z

Ég ákvað að flytja bloggið mitt yfir á blogcentral.is og sjá hvort það sé eitthvað betra. Allir kíkja þangað.

"Vopnahlé"

2004-10-26T13:42:00.000Z

Titillinn á sjálfsagt ekki vel við efnið en mér datt ekkert annað í hug. Var að skila heimaprófinu sem ég er búin að sitja sveitt yfir seinustu vikuna og þarf að fara að byrja á ritgerðinni í Stefnunum sem ég á að skila næsta mánudag. Það er því smá "Vopnahlé" hjá mér núna en það verður stutt.

Ég er alveg að verða búin með Don Kíkóta og ég verð að játa að hún er ekkert svo leiðileg. Strax og ég var búin með fyrstu 150 blaðsíðurnar þá fór hún að vera skemmtileg og núna hlakka ég til að taka mér pásu frá ritgerðar-heimaprófsskrifum og lesa nokkrar blaðsíður.

Kári á afmæli á morgun. Verður 25 ára en sé ekki frammá að hann ætli að taka eftir því. Hann er svo upptekinn við eitthvað verkefni að ef ég spyr hann hvað hann vilji í afmælisgjöf eða hvernig köku ég eigi að baka þá umlar hann bara eitthvað. Ég held þá bara upp á afmælið hans. Baka köku og geri mér glaðan dag :)

Samkvæmt blogginu hans Davíðs eru 59 dagar til jóla. Veitingastaðir eru farnir að auglýsa jólahlaðborðin og ef maður fer í Hagkaup verður maður alveg stressaður afþví ég er ekki búin að skrifa jólakortin, kaupa jólagjafirnar og koll af kolli. Finnst engum öðrum þetta vera svolítið snemmt? Ég meina það er ennþá október! Annars er ég alveg farin að hlakka til jólanna. Matur og pakkar og róleg heit. Ætla að lesa svo margar bækur yfir jólin. Bjartsýn að vanda :)

Brandari

2004-10-19T10:52:00.000Z

Ljóska ein gekk inn á bókasafn, arkaði beint að bókasafnsverðinum og hvæsti:
"Ég ætla að bera fram kvörtun!" "Nú yfir hverju" spurði bókasafnsvörðurinn.
"Ég fékk bók hér í síðustu viku og mig langar bara að vita hverjum dettur
eiginlega í hug að kaupa svona rusl og lána síðan saklausu fólki þetta,"
urraði ljóskan. "Þetta var alveg ömurlegt. Það voru allt,allt of margar
sögupersónur, maður gat aldrei kynnst þeim og síðan var gjörsamlega enginn
söguþráður." "Ah" sagði bókasafnsvörðurinn og kinkaði skilningsríkur kolli.
"Það hlýtur að hafa verið þú sen tókst símaskrána okkar."

Þær eru yndislegar þessar ljóskur.

Lasin

2004-10-15T13:57:00.000Z

Jæja þá er fröken Halldóra orðin lasin. Er búin að vera lokuð inni í 2 daga og sé ekki frammá að komast út á næstunni. Og ég sem hef svo engan tíma fyrir þetta! Ingibjörg vinkona var svo indæl að smita mig af hálsbólgu og nú er hausinn á mér orðin svo þungur að ég á í fullu fangi með halda honum uppi. Helst væri ég til í að geyma hann á koddanum allan daginn en skólinn leyfir mér það ekki því núna eru allir kennarar að heimta miðsvetrar verkefni og alltof mikið að gera.

Ég byrjaði loksins að lesa Don Kíkóta í morgun. Las hluta af henni þegar ég var í bókmenntasögu fyrir ári en er búin að gleyma helling. Þess vegna þarf ég að lesa hana aftur núna. Hún er alveg jafn leiðileg og mig minnti. ´

Annars hef ég ekkert spes að segja. Lífið takmarkast við að læra, sofa og mæta í skólann. Ekki mikið fréttnæmt þaðan.

Don Kíkóti

2004-10-13T10:54:00.000Z

Þetta er svo leiðileg bók. Ég nenni svo innilega ekki að lesa hana!

Fór á djammið á laugadag með Ingibjörgu. Kíktum á Dubliners þar sem við hittum Ástu danmörkubúa og dilluðum okkur þar í nokkra tíma. Síðan var stefnan sett á Hlölla báta þar sem við átum og svo bara heim. Ég var nú bara óvenjuhress á sunnudaginn, ég er svo sem aldrei kát eftir skemmtanir en samt óvenju heil. Ingibjörg var hins vegar alveg ónýt. Ældi og ældi greyið stelpan. Alveg ferlegt þegar fólk fær svona perst ofan í þynkuna :)

Annars er ég búin að standa í ritgerðarsmíðum seinustu daga og því ekki verið mikill tími til að blogga. Skilaði ritgerð í Áströlskum bókmenntum á þriðjudag og svo þarf ég að fara að hugsa út í ritgerðina í Stefnunum sem ég á að skila 1. nóvember. Svo var kennarinn minn í Áströlskum að minna okkur á heimapróf sem við eigum að skila í lok óktóber. Það þarf alltaf allt að gerast í einu. Hvenær á ég eiginlega að hafa tíma til a spila Sims????

Ég var að fá vondar fréttir í morgun. Eina lokaprófið sem ég þarf að hunskast í verður 20. desember! Jólin ónýt. Yfirleitt er ég búin með allt og komin í jólafrí 1. desember en ekki í ár. Ó nei! Núna líður mér eins og ég sé í alvöru háskóla.

Stal þessu af blogginu hennar Ingibjargar:

Reglurnar:
1 - Konan býr alltaf til REGLURNAR.
2 - REGLURNAR geta breyst fyrirvaralaust.
3 - Enginn karl getur mögulega kunnað allar REGLURNAR.
4 - Ef konuna grunar að karlinn kunni allar REGLURNAR verður hún að breyta sumum REGLANNA tafarlaust.
5 - Konan hefur aldrei rangt fyrir sér.
6 - Ef það lítur út fyrir að konan hafi rangt fyrir sér er það vegna svívirðilegs misskilnings vegna einhvers sem karlinn sagði eða gerði vitlaust.
7 - Ef regla nr.6 á við verður karlinn að biðjast afsökunar undir eins fyrir að hafa valdið misskilningnum.
8 - Konan má skipta um skoðun hvenær sem er.
9 - Karlinn má aldrei skipta um skoðun án skriflegs samþykkis konunnar.
10 - Konan hefur rétt á að vera reið eða í uppnámi hvenær sem er.
11 - Karlinn verður alltaf að vera yfirvegaður nema að konan vilji að hann sé reiður eða í uppnámi.
12 - Konan má ekki undir nokkrum kringumstæðum láta karlinn vita hvort hún vilji að hann sé reiður eða í uppnámi.
13 - Karlinn skal ætíð lesa hugsanir konunnar.
14 - Það sem konan meinti er alltaf mikilvægast, ekki endilega það sem hún sagði.
15 - Ef karlinn fer ekki eftir REGLUNUM er það vegna þess að hann er aumingi með hor sem getur ekki tekist á við vandann.
16 - Ef konan er með fyrirtíðaspennu skipta REGLURNAR engu máli og karlinn verður að hlaupa á eftir öllum duttlungum hennar.
17 - Allar tilraunir til að skrá REGLURNAR geta endað með líkamlegum áverkum.
18 - Ef karlinum dettur nokkurn tímann í hug að hann hafi rétt fyrir sér verður hann að muna eftir reglu nr.5.

Brandarar

2004-10-07T11:13:00.000Z

Hérna eru tveir ágætir.

Að ljúga eða ljúga ekki!

Dag einn, þegar saumakonan sat og vann á árbakkanum, þá missti hún fingurbjörgina sína útí ána. Hún hrópaði upp yfir sig í örvæntingu og henni til mikillar undurnar birtist Drottinn sjálfur og spurði: Hvers vegna grætur þú ? Saumkonan svaraði að fingurbjörgin hennar hefði fallið í vatnið og hún þyrfti á fingurbjörginni að halda svo hún gæti aðstoða bónda sinn við að afla tekna til heimilisins.
Drottinn hvarf ofan í vatnið og kom til baka með gullfingurbjörg. "Er þetta fingurbjörgin þín?" spurði Drottinn. Saumakonan svaraði neitandi og þá hvarf Drottinn aftur í vatnið og kom upp með demantsfingurbjörg. "Er þetta fingurbjörgin þín?" spurði Drottinn en saumkonan neitaði því. Enn hvarf drottinn ofan í vatnið og kom nú upp með silfurfingurbjörg og spurði hvort þetta væri sú rétta og saumakonan jánkaði því. Drottinn var mjög ánægður með sannsögli konunnar og færði hennir allar fingurbjargirnar þrjár til eignar að launum, og saumkonan hélt glöð heim á leið.
Nokkru síðar þegar saumakonan var á göngu eftir árbakkanum með eiginmanni sínum, datt hann í ána. Þegar hún hrópaði upp yfir sig í örvæntingu, birtist Drottinn enn á ný og spurði hvers vegna hún gréti? "Æi guð, maðurinn minn datt í ána". Guð stakk sér í ána og kom til baka með Mel Gibson. "Er þetta eiginmaður þinn?" spurði hann. "Já" hrópaði saumakonan. Drottinn reiddist. "Þú lýgur" sagði hann. "Æ, fyrirgefðu Drottinn, þetta á sér sínar skýringar. Sjáðu til, ef ég hefði sagt nei við Mel Gibsons, hefðir þú næst komið með Tom Cruise og ef ég hefði sagt nei við honum, þá hefir þú komið með eiginmann minn. Ef ég hefði sagt já við honum þá hefðir þú gefið mér þá alla þrjá og þar sem ég er ekki lengur eins hress og ég var þegar ég var yngri hefði ég aldrei getað sinnt þeim öllum þremur. Þess vegna sagði ég já við Mel Gibson.

Mórall sögunnar: Þegar konur ljúga, er það af heiðvirðum ástæðum og öðrum til heilla. Þetta er okkar skoðun og við stöndum við hana!

Hvað þarf marga í hverju stjörnumerki til að skipta um ljósaperu?

HRÚTUR : Bara einn. Viltu gera mál úr því eða ?

NAUT: Einn, en reyndu að koma nautinu í skilning um að sprungna peran séónýt og að það sé best að skipta um hana og að það eigi síðan að hendahenni.

TVÍBURI: Tveir, en þeir skipta aldrei um peruna-- þeir ræða í sífellu umhver á að skipta um hana, hvernig er best að skipta um hana og af hverjuþarf að skipta um peruna !

KRABBI: Bara einn. En það tekur geðlækni þrjú ár að hjálpa krabbanum aðkomast yfir áfallið og í gegnum sorgarferlið.

LJÓN: Ljón skipta ekki um ljósaperur, en stundum fá umboðsmennirnir þeirraMeyju til þess að gera það fyrir þau á meðan þau eru úti.

MEYJA: Um það bil 1.000.000 með skekkjumörkunum +/- ein milljón.

VOG: Humm, tvær. Eða kannski eina. Nei, annars höfum það tvær. Ef þér ersama ?

SPORÐDREKI: Þessar upplýsingar eru algert leyndarmál og einungis deilt meðþeim Upplýstu í Stjörnusal hinnar Eldgömlu Reglu.

BOGMAÐUR: Sólin skín, dagurinn er ungur, allt lífið er framundan og þú ertinni, með áhyggjur af einhverri eldgamalli sprunginni peru ?

STEINGEIT: Ég eyði ekki tíma mínum í þessa barnalegu brandara.

VATNSBERI: Sko, þú þarft að minnast þess að allt í umhverfi okkar er hreinorka svo að.....

FISKAR: Ljósaperu? Hvaða ljósaperu?

Sleepy...

2004-10-05T13:24:00.000Z

Mér tókst næstum því að sofa yfir mig í dag. Í tími sem byrjar klukkan 11:15!!! Snoozaði frá klukkan 8 takk fyrir. Druslaðist svo ekki á fætur fyrr en 10 mínútur í ellefu. Ég er alveg ferleg.

Ég er í tíma núna og við erum að tala um ógeðslega leiðilega bók. Bókin heitir Voss og er eftir ástralskan rithöfund að nafni Patrick White. Hún er 450 bls og ég kemst ekki í gegnum mikið meira en 10 bls í einu og þá er ég farin að geyspa. Hver einasta lína er hlaðin merkingu um kristgervingu, landið, tungumálið, auðmýkt, írónía og ég veit ekki hvað og hvað svo það er ekki eins og maður geti "drifið þetta af".

Svo þarf ég að fara að byrja á 3 ritgerðum! Og lesa og lesa og lesa. Þegar það er svona mikið að gera þá er ekki furða að manni langi bara til að sofa!

Fékk tölvuna mína aftur úr viðgerð í gær. Fór loksins með hana á laugardag þvi hún startar sér oft svo asnalega upp. Að sjálfsögðu malaði hún eins og lítið lamb í viðgerðinni en strákarnir hjá Tölvulistanum straujuðu hana fyrir mig og vonandi lagar það vandamálið. Time will tell.

Hvað er annars með þetta óveður? Ég veit það er voða vinsælt hjá mér að bölva veðrinu en com on! Það er varla að maður komist í skólann. Eitt skref áfram - 15 skref aftur á bak. Ég er svo móð og másandi þegar ég loksins kemst í skólann að það mætti halda að ég hefði labbað úr Grafarvoginum. Ekki úr næsta húsi. Sem betur fer er frí í skólanum hjá mér á morgun. Ætla að nota tímann í skruddurnar og njóta þess að þurfa ekki að fara út í óveðrið.

Það er alltof mikið að gera

2004-10-01T11:51:00.000Z

jæja þá er búinn mánuður af skólanum og ekki seinna vænna að fara að læra.
Ég er að lesa hroðalega leiðilega bók þessa dagana sem heitir Voss og er eftir Patrick White. Nóbelsverðlaunahafa með meiru. Og að sjálfsögðu er bókin hundleiðileg. Hvers vegna er samansem merki á milli nóbel verðlauna og leiðilegra bóka? Í mörgum tilvikum a.m.k.
Ég fór á bókamarkaðinn í Mörkunni um daginn og keypti mér nokkrar bækur. Er sérstaklega spennt fyrir að fara að lesa grísku leikritin sem ég keypti. Hef reyndar lesið þau áður (mörg en ekki öll) en hlakka til að lesa þau aftur.
Annars er ég að fara að passa bræður mína um helgina. Það þarf svo sem ekki mikið að passa þá þar sem þetta eru náttúrulega hálf fullorðið fólk, bara aðallega að passa upp á að þeir brenni ekki niður húsið. Ég ætlaði upphaflega að fara að djamma en núna held ég verði að sleppa því, bæði út af rollingunum og svo veitir mér ekkert af því að leggjast í skólabækurnar um helgina og ég geri það ekki ef ég er þunn!
Jæja þessi leiðilegi tími sem ég er í er að verða búinn og ég ætla að hlaupa á kaffihús og hitta Davíð minn. Alltof langt síðan ég hef hitt hann.

Eigið góða helgi!

Vírus eða ekki vírus...

2004-09-29T11:14:00.000Z

Fékk póst frá RHI á föstudag þar sem var sagt að ég væri með "skæðan" vírus í nýju fartölvunni minni. Ég fékk náttúrulega í magann en varð jafnfram mjög hissa þar sem ég er með vírusvörn og eldvegg og yfirleitt mjög varkár hvað öryggismál varðar. Ég fór alla vegana á fullt við að leita að vírus en alveg sama hvað ég gerði þá fann ég ekki neitt. Á endanum sendi ég þeim tölvupóst og spyr hvað sé eiginlega í gangi. Fyrst fæ ég svar frá þeim, "athuga hvort vírus vörnin er up-to-date" og aðrar bjánalegar athugasemdir sem ég svara til baka og svo loks á þriðjudag fæ ég bréf frá þeim að það sé ekki mín tölva sem sé sýkt heldur einhver önnu sem var tengd á sama tíma. Ég ekki alveg að fatta! Voru bara tvær tölvur tengdar á sama tíma hjá RHI og geta þeir ekki séð hvor er sýkt? Allt panikið og tíminn sem fór í þetta!

Hvað á þetta veður eiginlega að þýða?!?!?!

2004-09-24T10:02:00.000Z

Ég get svo svarið það er óveður úti! Alvöru, ósvikið óveður. Vaknaði við helvítið klukkan hálf átta í morgun! Svo þegar ég var á leiðinni í skólann í morgun þá mætti ég stelpu sem greinilega býr í sama húsi og ég sem óskaði mér góðs gengis! Fólk varla býður góðan daginn í þessu húsi. Ég þakkaði fyrir og hljóp beint inn í bíl. Keyrði s.s. alla tíu metrana upp í Árnagarð. Og svo er ég að fara í bústað í kvöld. Ég verð ábyggilega veðurtept einhversstaðar á leiðinni. Þvílíkt brjálæði. Word to the weathergoods - STOP IT!

Bjór bjór bjór og meiri bjór

2004-09-20T10:01:00.000Z

Jæja þá er helgin búin og þynnkan líka sem betur fer. Þetta var engin smá helgi hjá mér. Á föstudagskvöldið fór ég og Jóna Björg á kaffi París til að fá okkur öllara og kjafta. Við þömbuðum eins og okkur væri borgað fyrir það og vorum fljótlega orðnar vel kenndar. Þar sem við vorum líka glorhungraðar ákváðum við að koma við á Clinton pylsum áður en við næðum okkur í leigubíl til að komast heim. Á laugardag fórum við Kári svo í 25 ára afmælispartý til Harðar vinar okkar. Þar hittum við gamla kunningja (og nýja) og var kjaftað og slúðrað til rúmlega 3 um nóttina. Þá var haldið heim þar sem ég gerði enn eina tilraun til að horfa á Die Hard en líkt og í öllum fyrri tilraunum þá steinsofnaði ég yfir myndinni. Veit ekki alveg hvað er í gangi - ég sofna aldrei yfir sjónvarpinu, sérstaklega ekki með gleraugun á nefinu en í hvert skiptið sem ég skelli Die Hard í tækið þá byrja ég að hrjóta. Vaknaði síðan eldhress á sunnudag og fór að læra.

Annars þá keypti ég mér Sims 2 á fimmtudag sem hefur tekið hverja frístund frá mér síðan þá. Ég er búin að vera að bíða eftir þessum leik síðan ég frétti að hann væri á leiðinni fyrir einu og hálfu ári síðan. Fyrir þá sem ekki hafa prófað Sims þá mæli ég eindregið með honum. Maður á það reyndar á hættu að falla í skólanum eða verða rekinn úr vinnunni en það eru minniháttar aukaverkanir!

En þetta er orðið fínt í bili. Ætla að hella mér upp á kaffi og glugga aðeins í bækurnar.

Heyrumst!

Það er alveg orðið kalt úti

2004-09-13T10:26:00.000Z

Sæl öll sömul,

Mánudagur og vika nr. 2 því hafin af mínu skólaári. Ég verð að segja það að seinasta vika var alveg lengi að líða. Ekkert samt óbærileg eða neitt svoleiðis. Það er að sjálfsögðu alveg brjálað að gera og kennarar duglegir að setja fyrir "Lesa þessa bók fyrir morgun daginn, þessi fyrir fimmtudag og svo eru 150 bls af drepleiðilegum greinum sem þið þurfið að lesa líka". Ég ætla samt ekki að panika á þessu og slíta mér út. Les bara þegar ég nenni (hey ég ætlaði að setja broskall en þeir eru horfnir af toolbarinum mínum, hmmm....) Haha fann þá

Annars var helgin mjög fín. Á föstudaginn héldum við Kári upp á 5 ára afmælið okkar með promi og prakt. Höfðum planað að fara út að borða en þegar kom að því að velja veitingastað datt okkur ekkert sniðugt í hug svo við enduðum á La Eggertsgata. Drifum okkar því bara í Hagkaup og keyptum dýrindis lambasteik, graflax og svo í vínbúðina þar sem við keyptum okkur belju.
Á laugardeginum átti litli bróðir minn afmæli, orðinn 12 ára pjakkurinn svo við drifum okkur í tertur til hans. Í gær fór ég svo á kaffihús með Guðnýju vinkonu og Andreu vinkonu hennar og svo í mat til tengdó um kvöldið.

Það furðulegasta gerðist þegar ég var á leiðinni á Kaffi Viktor í gær. Ég var að keyra niður í bæ þegar þessi hugh hópur af mávum flýgur yfir og byrjar að stoppa alla umferð með því að fljúga fyrir bílana og setjast á götuna fyrir framan þá. Þetta var engin smá fjöldi af fuglum og minnti helst á atriði úr myndinni Birds eftir Alfred Hitchcock. Ekki að það væri ekki nóg heldur tekur einn þeirra sig til og skítur á framrúðuna hjá mér! Ég þakkaði mínum sæla fyrir að það hafi ekki verið hausinn á mér því þetta var ógeðsleg GRÆN drulla og fengu rúðuþurrkurnar mínar (í nánu samstarfi við nokkra LÍTRA af rúðupissi) nóg að gera. Ég svo hljóp frá bílastæðinu og yfir á kaffihúsið ef þessi ógeðslegi hópur hygðist gera aðra árás. Ég legg sterklega til að borgaryfirvöld sendi nokkra vel þjálfaða byssumenn á eftir þessum andskotum þar sem þetta er ekki í fyrsta skiptið sem ég sé þetta gengi fljúga yfir Reykjavík.

Jæja nóg í bili.

Kárahnjúkar og Álverið á Reyðarfirði

2004-09-08T20:50:00.000Z

Ég tók þessa mynd á leið til Norðfjarðar.

Ég ætlaði að vera löngu búin að henda einhverju inn á bloggið mitt og segja frá ferðinni en hef bara ekki haft tíma til þess. Eins og flestir vita þá skrapp ég austur til Reyðarfjarðar seinasta miðvikudag og kom heim aftur á sunnudag. Það var alveg brjálað að gera hjá mér þessa dagana og svaka stuð. Á fimmtudeginum keyrði ég ein til Norðfjarðar, fór yfir Oddskarðið og meira að segja í gegnum göngin (sem eru einbreið by-the-way) og komst lifandi frá þeirri reynslu. Alveg síðan ég var krakki hef ég verið skíthrædd við að keyra Oddskarðið en eins og þeir vita sem þangað hafa farið þá eru þau geðveikt brött og full af kröppum S beygjum. Ég hef því yfirleitt lokað augunum þegar ég hef farið yfir þau en hingað til hef ég einungis verið farþegi og því varð ég að gjöru svo vel og hafa augun opin og á veginum þegar ég fór yfir. Ég er svo mikil hetja!
Ég hitti svo Pálínu frænku á fimmtudagskvöldið og við fórum á Kaffi Kósí og fengum okkur nokkra öllara. Ég hef ekki hitt Pálínu í milljón ár svo þetta var hörku gaman og höfðum við um nóg að spjalla.
Á föstudagsmorgun tókum við afi svo saman föggur okkar og fórum í fjallaferð. Við byrjuðum á að skoða Kárahnjúka í bak og fyrir (vorum meira að segja rekin burt þegar við reyndum að laumast inn á bannsvæði) en eftir það var stefnan sett á Grágæsadal sem er upp á örævum. Ég verð að viðurkenna að einu sinni eða tvisvar var ég virkilega hrædd um líf mitt og kroppurinn var ansi sár eftir að hafa hlunkast yfir grjót, móa og ár í einhverja 7 klukkutíma. Sem betur fer beið amma með saltkjöt og baunir handa okkur upp í bústað og svo voru allir steinsofnaðir fyrir 10. Meira að segja ég!

Laugardagurinn var svo rólegur, ég fór og heimsótti fullt af ættingjum og svo vorum við amma heima um kvöldið að horfa á sjónvarpið og passa litlu frænku mína.

En núna er alvara lífsins tekin við og skólinn byrjaður á fullu. Byrjunarörðugleikar gera vart við sig eins og venjulega en fjölritunin er að setja einn eitt metið í að vera óhæf til afgreiðslu en það nýjasta hjá þeim er bilaður prentari! Á ég áð trúa að company sem þjónustar allar deildir í háskólanum sé aðeins með einn prentara! Ég á t.d. að lesa helling fyrir morgundaginn en get það ekki afþví prentarinn er bilaður. "Sorry teacher but the printer ate my homework"
Þannig að sjálfsögðu geri ég ekki hót í kvöld nema slappa af og dragast aftur úr. Ég verð svo næstu 3 mánuðina að vinna þetta upp. Alveg merkilegt hvernig aldrei er hægt að standa við tímaáætlanir þarna í fjölrituninni. Það eru 2 vikur síðan kennarinn okkar fór með efnið til þeirra en nei... arg!

Jæja, gott í bili.

Á leið austur!

2004-09-01T09:14:00.000Z

Jæja þá er ég loksins hætt að vinna og á leið austur að heimsækja ömmu og afa. Fer í loftið hálf ellefu og er alveg spennt. Alltof langt síðan ég fór seinast austur eða um 5 ár!
Afi ætlar að koma og fara með með upp á Kárahnjúka og sýna mér pleisið. Það verður alveg gaman að sjá hvað er alltaf verið að væla um í fjölmiðlum. Myndavélin er komin í ferðatöskuna svo vonandi hef ég einhverjar góðar myndir til að skella á bloggið þegar ég kem heim aftur. Ég veit ekki alveg hvernig tölvumálin eru fyrir austan svo það getur vel verið að ég verði netlaus þangað til ég kem heim á sunnudag en það verður bara skemmtileg áskorun. Var að hugsa um að taka ferðatölvuna með mér en ég held að ég sé með alveg nógan farangur fyrir. Auk þess þá hlýt ég áð lifa það af í nokkra daga að vera tölvulaus. Annars á afi gamla tölvu sem ég kíki sjálfsagt á.
Síðan ætla ég að skreppa yfir á Norðfjörð og heilsa upp á langömmu. Amma og afi á Norðfirði eru úti í Noregi þessa dagana svo ég hitti þau ekki í þessari ferð en þau koma þó aftur til landsins sama dag og ég fer aftur til Reykjavíkur. Við hittumst bara þá í staðin.
Heyrumst!

Kaldur en dásamlegur dagur

2004-08-28T11:02:00.000Z

Laugardagar eru alltaf yndislegir. Þótt þeir séu kaldir. Og þessi laugardagur er alveg kaldur. Vaknaði skjálfandi úr kulda í morgun þar sem glugginn var opinn í alla nótt. Skreið svo loksins á fætur til að loka honum en þá var ég glað vöknuð svo ég ákvað að drífa mig á fætur og laga kaffi. Kaffi gott.
Mér dreymdi furðulegasta draum í nót. Hálfgerð martröð en núna þegar ég er vöknuð þá get ég ekki annað en pælt í því hvað ég hafi eiginlega verið að reykja í gær til að framkalla svona furðulegar sýnir. Ég var í vinnunni þegar ég fæ boð um að mæta niðrí innheimtudeild til að svara til saka! Já takk fyrir. Þar þurfti ég að standa fyrir framan alla innheimtufulltrúana og svara fyrir það hvers vegna ég hafi opnað þennan og hinn síma. Ég reyndi að koma með rök fyrir aðgerðum mínum eins og "já en hann var búinn að borga" en æfareiður innheimtufulltrú öskraði á mig "það er algjört aukaatriði!". Síðan kepptust þeir um að draga upp ýmis mál sem ég hef verið með í sumar og nota þau sem sönnunargögn fyrir því að ég hafi opnað alltof marga síma. Verið of dugleg s.s. Ég vaknaði svo rétt áður en það átti að kveða dóm yfir mér. Slapp sjálsagt við gálgann þar! Ég held þessi draumur sé skýr skilaboð um að ég sé búinn að fá nóg af vinnunni. En sem betur fer eru bara tveir dagar eftir.

Ég ætla að skella mér í Kringluna í dag. Ég á 6000 kr inneign í Retro sem rennur út 31. ágúst svo það er ekki seinna vænna að reyna að finn mér. Inneign sem ég fékk meira að segja fyrir að vera dugleg í vinnunni. Ég var búin að ákveð að Davíð vinur minn ætti að hitta mig í kaffi þar en þá ákvað hann að skemma það allt með því að vera að vinna! Þvílíkt ótillitsamur.

Ég er svo að fara með mömmu á Ítalíu í kvöld. Hlakka ekkert smá til. Langt síðan við höfum farið bara tvær saman út að borða.

Jæja ég ætla að takast á við kuldann.

Hafið það öll gott um helgina.

Ég er svo dugleg!

2004-08-26T08:12:00.000Z

Haldiði að mín hafi ekki rifið allt út úr geymslunni þegar hún kom heim úr vinnunni í gær og tekið almennileg til hendinni! Forstofan mín er full af svörtum ruslapokum og pappakössum sem bíða eftir að komast á hauganna. Hef ekki alveg samvisku í að henda þessu öllu niður í ruslageymslu, sérstaklega þar sem við Kári erum orðnir ræstingastjórar þarna! Ég fleygi þessu í bílinn við tækifæri og bruna með þetta sjálf.

Í dag er fimmtudagur en samt óheyrilega langt í helgina. Þessi vika er alveg að sníglast áfram. Kannski afþví þetta er seinasta heila vikan mín í vinnunnni. Svo vinn ég bara mánudag og þriðjudag og þá er þetta komið. Thank God! Veit ekki hvað ég meika mörg "nú er ég alveg búinn að fá nóg" símtöl.

Annars þá var boðið upp á Nings í vinnunni í gær. Einu sinni í mánuði er gert eitthvað spes til að halda upp á afmæli allra þeirra sem áttu afmæli í mánuðnum. Í gamla daga voru alltaf bakaðar vöfflur en síðan við fluttum og margfölduðum okkur big time hafa hlutir verið pantaðir. Brauð og bakkelsi yfirleitt, ostar eða jú matur. Það var alveg cool að sleppa við að skaffa sér hádegismat enda er sjoppan hinum megin við götuna alveg að setja mig á hausinn!

Þriðjudagur til þrautar

2004-08-24T20:08:00.000Z

Mánudagur til mæðu, þriðjudagur til þrautar, miðvikudagur... æ man ekki meira. Fyrstu tveir eiga samt vel við. Any one having a good day? Það var svo sem ágætt í vinnunni í dag. Loksins farið að róast eitthvað. Ekki rólegt - nei aldrei - en ekki geðbilað heldur. Það er fín tilbreyting.
Ég fékk ágætis viðbrögð við seinasta bloggi frá fólki sem viðurkennir að kíkja hingað inn annað slagið og lesa skrafið mitt. Ekki leiðilegt og hvetur mann til að halda áfram. Ég er búin að vera á fullu við að púsla síðan á laugardag. Mér leiddist alveg hroðalega mikið því Kári var að horfa á eitthvað boltadæmi og fór ég því inn í geymslu til að finna mér eitthvað að gera. Geymslu! Furðulegur staður. Ætlaði fyrst að taka til í henni en mér til mikils léttis fann ég 1000 púsla spil og hef setið stjörf við það síðan. Það miðar samt voða hægt hjá mér og hef ég komist að þeirri niðurstöðu að ég er alveg hroðalega léleg í þessu.
En núna eru bara 5 vinnudagar eftir. Ótrúlegt hvað tíminn er fljótur að líða. Svo fer ég austur og svo í skólann. Þá ætti lífið að komast aftur í eðlilegar skorður.
Það er kannski full snemmt að fara að plana næstu helgi en ég er alveg komin með þörf til að kíkja svolítið á djammið. Ekkert heavy en ef einhver þarna úti er djammsveltur eins og ég þá er alveg spurning að svala þorstanum saman. Fjölmenna jafnvel eitthvað. Sendið mér endilega línu.
Bæ í bili.

Á leið í fríið

2004-08-17T21:07:00.000Z

Jæja, það lengist stöðugt á milli blogganna hjá mér en það gerir ekkert til. Það les þetta enginn hvort eð er.

Núna fer að styttast í að ég hætti í vinnunni. Ég verð reyndar að vinna alveg út ágúst en þar sem ég byrjaði furðu snemma að vinna í ár er þetta búinn að vera ansi langur tími.

Ég fór um helgina og keypti mér nýja fartölvu. Ekkert smá flott græja. Breiðtjaldsskjár, skrifari, 40 GB diskur, 512 í vinnsluminni, flott skjákort og allt annað sem ég setti kröfur um. Enda gróf hún sig djúpt í sparisjóðinn minn. Hundrað og sextíuþúsund kall! Eins gott ég fái þá 10 í öllu.

Síðan var ég að bóka mér flugfar austur áðan. Ætla að skella mér í Fjarðarbyggð frá 1. sept - 5. sept og heilsa upp á fólkið. Hef ekki komið austur síða um jólin 1999 sem er bara skömmustulegt. Var þar 2-3 sinnum á ári þegar ég var yngri. Ég á orðið fullt af frændsystkinum þar sem ég hef ekki einu sinni litið augum svo þessi ferð fer að mestu leiti í að heimsækja fólk sem vonandi man eftir mér.

Annars er hreint ótrúlegt hvað þetta sumar hefur liðið hratt! Eins og vinnan hefur nú tekið á eins og flestir vita sem nenna að lesa bloggið mitt reglulega þá hefur tíminn gjörsamlega hlaupið frá manni og allt sem ég ætlaði að gera í sumar eins og fjarlæg minning. Ég var reyndar ansi virk í svallinu fyrri hluta sumars þótt ansi hafi nú róast hjá mér upp á síðkastið. Kannski afþví ég fékk alveg nóg á tímabili þegar ég var búin að vera þunn nánast í 2 mánuði straight. Núna finnst mér nóg komið af róleg heitunum. Guðrún vinkona er búin að bjóða í kökuveislu á laugardag í tilefni af 24 ára afmælinu sínu og ætla ég að kíkja þangað að bragða á gotteríinu og svo gæti ég alveg hugsað mér að kíkja á lífið. Sérstaklega þar sem það er menningarnótt.
Föstudagurinn er aftur á móti frátekinn fyrir ungan herramann. Ég og Máni litli ætlum að halda hvort öðru félagsskap á meðan mamma hans og pabbi kíkja á tónleika. Vonandi verður gaman hjá okkur en við hittumst alltof sjaldan. Fyrir þau ykkar sem ekki vita þá er Máni guðsonur minn en foreldrar hans eru Jóna Björg og Trausti. Hérna er mynd af krúttinu:

Annars ætla ég að fara að segja þetta gott í bili. Bestu kveðjur til ykkar sem hafið nennt að lesa svona langt.

Halldóra

Hitabylgja

2004-08-12T08:05:00.000Z

Hvílíkur hiti er búinn að vera seinustu daga. Maður getur varla úti verið fyrir hita og inni situr maður bara og svitnar. Fengum ís í vinnunni í gær sem var cool. Sárvantaði eitthvað til að kæla sig niður. Þetta er samt búið að vera ótrúlega skrítið með veðrið. Mörgum sinnum á dag spyr maður sig hvort maður sé ekki á Íslandi. Svona veður er aldrei á Íslandi. Ekki að ég sé neitt að kvarta, nema kannski yfir því að þurfa að vera inni fyrir framan tölvuskjáinn í svona veðri. Mér finnst samt skrítið hversu margir eru veikir í þessari blíðu. Egill er kominn með lungnabólgu og Guðný vinkona aftur komin með flensu. Held þetta sé 3 flensan hennar í sumar! Greyið stelpan. Sjálf er ég við hestaheilsu eins og vanalega enda með þrumugóðar varnir.

Núna er farið að styttast ísskyggilega mikið í skólann og því er ég farin að fylgjast með fartölvutilboðum. Held þau eigi eftir að verða ansi myndarleg og slegist um kúnnanna. Það er alltaf gaman. Er ekki búin að festa mig á neina heldur ætla ég að leyfa fyrirtækjunum að slást um lægsta verðið áður en ég ákveð mig. Einu skilyrðin sem ég set er gott vinnsluminni, almennilega stór harðurdiskur (a.m.k. 40 GB), gott skjákort og endingargóð rafhlaða. Er þá eitthvað eftir? Hehe.

Bæjó í bili.

Ó mig auma

2004-08-04T18:47:00.000Z

Fyrir þá sem ekki vita þá er Verslunarmannahelgin búin og ekki seinna vænna að updata bloggið mitt. Ég hef verið alltof löt við það undanfarið.
Helgin var annars fín. Róleg en mjög fín. Ég stóð við það sem ég ætlaði að gera um helgina sem var að sofa enda svaf ég um 14 tíma á hverri nóttu-degi. Á meðan ég var vakandi horfði ég á video, át nammi og sötraði bjór. Á sunnudeginum fórum við svo í heimsókn í Bogahlíðina en fullt af frændfólki hans Kára var þar saman komið. Frænka hans frá Danmörku ásamt manni sínum og tveimur dætrum og svo komu frænka og frændi frá Færeyjum sama dag. Það var því saman kominn hópur af fullt af fólki og svaka stuð.
Í gær fórum við svo aftur í Bogahlíðina til að kveðja Ölmu en hún var að flytja til Danmörku í dag. Hún ætlar í skóla þarna úti og eigum við ekki von á að sjá hana aftur fyrr en um jólin.
Familían mín kom svo heim frá Danmörku í dag. Þau eru bara búin að vera úti í 3 vikur en ég var alveg farin að sakna þeirra. Ég á hins vegar eftir að sakna bílsins þeirra meira. Við ætlum svo að kíkja í mat til þeirra á morgun og þá fæ ég að heyra alla ferðasöguna.

Jæja ég ætla að hvíla mig. Eins og vanalega var vinnudagurinn erfiður og ég hef sjaldan verið eins útkeyrð. Ég vinn við tölvu og sit því að rassinum allan daginn en samt verkjar mig í alla vöðva líkamans. Furðulegt!

Hafið það gott.

Verslunarmannahelgin á næstu grösum

2004-07-29T08:18:00.000Z

Það eru orðnir nokkrir dagar síðan ég bloggaði seinast en ég hef bara ekki haft neitt spennandi að segja frá. Hef það reyndar ekki ennþá en so what!
Það eru sjálfsagt allir orðnir ansi spenntir fyrir verslunarmannahelgin sem hefst á morgun og í tilefni hennar hef ég sett upp nýja könnun sem ég vil biðja alla um að taka þátt í.
Sjálf ætla ég nú bara að vera heim. Við Kári erum að passa húsið hennar mömmu og ef veður leyfir þá er ég að hugsa um að grilla og slappa af úti á svölum. Það verður sjálfsagt eitthvað djúsað um helgina enda væri annað ruglað en að mestu leiti ætla ég að vera voða þæg.
Ég vona að allir hafi það gott um helgina og gangi ekki af göflunum!

Hvert fór sólin?

2004-07-26T08:36:00.000Z

Þvílík helgi! Rigningarbrjálæði á föstudag, steikjandi sól á laugardag og svo aftur rigning á sunnudag. Mér er alveg sama þótt það hafi rignt 2 af 3 dögum. Í minningunni var geðveikt veður um þessa helgi.
Við Kári fórum á Selfoss á laugardaginn að hitta familíuna hans. Sátum úti á palli í sólbaði í 2 tíma. Held ég hafi samt ekki tekið neinn lit. Auk þess þá fór meiri hluti dagsins í að keyra fram og til baka.
Á laugardagskvöldið fórum við svo út að borða með Jónu Björgu og Trausta. Fórum á Ítalíu sem klikkar aldrei fyrir utan það að þeir létu okkur sitja uppi. Það er ekki eins kósí að sitja uppi eins og niðri. Maturinn var samt geðveikt góður. Fékk mér að sjálfsögðu pizzu enda eru pizzurnar þeirra ótrúlega góðar. Síðan eftir matinn fórum við á pöbbarölt. Held ég hafi aldrei farið á eins marga staði á einu kvöldi. Samt vorum við komin heim um 2 leitið. Þá var orðið svo troðið niðrí bæ að við fengum hvergi sæti. Sunnudagurinn fór svo að sjálfsögðu í ekki neitt. Glápti á dvd allan daginn.
Vona að allir hafi átt góða helgi.

Bíóhelgi

2004-07-19T18:23:00.000Z

Helginni er víst lokið og aldrei kemur hún aftur. Nei nei bara djók. Það kemur víst önnur helgi eftir þessa.   Annars var mín helgi mjög fín, róleg alveg eins og ég vildi hafa það. En mikið djöfulli var gott veður annars. Ég Anna Sigríður og Rabó renndum til Keflavíkur á laugardaginn til að sækja bílinn hennar mömmu en það var alveg truflað veður. Við fórum svo niður í bæ þar sem við settumst út á kaffihús og nutum blíðunnar. Það er næstum eins og maður sé í útlöndum. Og ekki var sunnudagurinn neitt verri, nú þá eða dagurinn í dag. Svona eiga sumrin að vera!
Við Kári vorum voða dugleg að fara í bíó um helgina. Á laugardag fórum við á Spiderman sem olli mér ekki vonbrigðum. Meira að segja Kára fannst hún allt í lagi og það segir mikið. Við fórum svo á Shrek á sunnudaginn og hlógum okkur máttlaus.

Vinnudagurinn í dag var svo algjört hell! Sjaldan verið eins mikið að gera og ég hreinlega veit ekki hvernig ég komst í gegnum daginn. Það versta er að við eigum a.m.k. 3 svona hell daga eftir áður en þessari viku er lokið en vonandi fara hlutirnir að skána á föstudag. Eini kosturinn við svona hell daga er að það eru pantaðar pizzur handa okkur í svona "skaðabætur" eða til að hugga okkur.

   Jæja ég ætla að henda mér upp í sófa og slappa svolítið af. Vona að þið hafið átt góða helgi.

Bestu kveðjur.

Ert þú á lífi?

2004-07-15T08:13:00.000Z

Góðan daginn!
Ég var að lesa athyglisverða frétt á mbl.is. Það varð einhver bilun í kerfinu hjá þeim sem olli því að um 500 manns sem voru að flytja voru skyndilega skráð látin. Þótt ég hafi nú ekki verið að flytja neitt nýlega þá ákvað ég að tékka á púlsinum í þjóðskrá og get sagt með stolti að ég lifi!!!
Jæja nú ætti pabbi að liggja í sólinni á Spáni og hafa það gott. Mamma er sjálfsagt á fullu við að pakka niður því þau eru á leið til Danmörku á morgun. By the way, ég þarf að komast til Keflavíkur á laugardag til að sækja bílinn þeirra svo ef einhver sem les þetta blaður mitt er á leið þangað umræddan dag þá mundi ég fegin þiggja far. Bensínpeningar í boði og allí gær.
Annars ætti að vera nóg að gera í dag. Lokanir á símum og svo almenn traffík ætti að halda mér við efnið til fimm en svo ætlar Guðný vinkona að sækja mig og við brunum beint í lagninu. Ætla að fá mér rauðar strípur og svo er ég að hugsa um einhverja flippaða klippingu. Samt ekki of flippaða en eitthvað cool!
Ég kom heim frekar seint í gær, var á kaffihúsarölti með Guðrúnu en þegar ég loksins skreið inn um dyrnar var ég orðin alltof þreytt til að gera neitt af viti. Ég ákvað því að skella Signs í DVD spilarann en ég hef ekki séð hana síðan hún var í bíó fyrir einhverjum tíma. Hún var nú mun meira spennandi í minningunni en mér tókst samt að hrökkva í kút annað slagið og hella yfir mig appelsínusafanum mínum. Laglegt Halldóra!
Jæja umferðin hérna er að aukast og þá á ekki eftir að gefast mikill tími í blogg. Ég segi þetta því gott í bili.

Hafið það sem allra best!

Í miðri viku

2004-07-14T08:10:00.000Z

Þá er kominn miðvikudagur og vikan því hálfnuð. Ég verð að viðurkenna að ég átti ekki von á því að komast svona langt. En maður er seigur!
Núna í ca 2 vikur erum við Kári búin að vera að horfa á sjónvarpsþættina 24 alltaf eftir vinnu. Við reynum yfirleitt að taka einn þátt áður en fréttirnar byrja og svo 2-3 áður en við förum að sofa á kvöldin. Þetta eru drulluspennandi þættir. Við erum að horfa á seríu 2 og það er allt að gerast. Kjarnorkusprengjur, stríð, mannrán, pyntingar, koss og knús og fleira. Ég er alveg orðin hooked. Pabbi er á leiðinni til Spánar í dag. Ég væri svo til í að fara með honum. Og svo fara mamma og co til Kaupmannahafnar á föstudag. Öll familían er því að leið til útlanda nema ég. Ég ætla að vera á Íslandi og vinna! Oj!

Ég hef nú samt alveg eitthvað til að hlakka til. Við Guðný vinkona ætlum að fara í klippingu og strípur á fimmtudag og ef ég þekki okkur rétt fylgir sjálfsagt kaffi á eftir. Það er alltaf gaman. Svo verður næsta helgi reyndar róleg en helgina þar á eftir ætlum við Jóna Björg, Trausti og Kári að skella okkur út á lífið. Ég man ekki hvenær við djömmuðum seinast saman en það er orðið alltof langt síðan.

Við Guðrún vinkona ætlum svo að skella okkur á kaffihús eftir vinnu í dag. Lífið er s.s. ekkert svo slæmt :)

Heyrumst!

Broskarlar

2004-07-13T18:08:00.000Z

Jæja þá er ég loksins búin að læra að nota broskarla. Nú get ég brosað út í eitt.
Ég vildi að ég væri svona hress í vinnunni.
Þetta er frekar ég!
Væri þetta ekki ljúft?

Ekki gleyma að taka þátt í skoðanakönnunum!!!

Dorothea stjarna

2004-07-12T15:33:00.000Z

Haha, I could be a moviestar!!!!

Pirates of the Caribbean!

What movie Do you Belong in?(many different outcomes!)
brought to you by Quizilla

Ég hata mánudaga!!!

2004-07-12T13:42:00.000Z

Helgin búin... AGAIN!!!
Allir sem lesa bloggið mitt ættu að vita by now að ég þoli ekki hvað helgin er fljót að líða. Og hvað verður lítið úr henni.
Máni guðsonur minn varð 2 ára 6. júlí síðast liðinn en ég fór í afmælisveislu til hans á laugardag. Ótrúlegt hvað drengurinn stækkar fljótt. Það er svo stutt síðan hann var bara ungbarn en nú hleypur hann um allt.
Seinna á laugardag fórum við svo í mat til mömmu. Maður getur alltaf treyst á almennilegar kræsingar hjá henni og aðsjálfsögðu vorum við ekki svikin þetta kvöld. Namm Namm. Sunnudagurinn fór svo í algjöra afslöppun. Jóna Björg vinkona kom og bauð mér á rúntinn og svo fórum við á kaffihús. Fengum aldrei þessu vant borð á kaffi París. Yfirleitt getum við treyst á það að það sé allt fullt þar og því endum við yfirleitt á kaffi Viktor. En þetta var skemmtileg tilbreyting.
Annars er ég ýkt mýgluð í dag. Ég held ég sé alveg búin að fá nóg af þessu sumri. Ég vil fá vetur og snjó og próf og stress og allt sem því fylgir! Ekkert sumar-sól-kjaftæði.

Til hamingju með afmæið Guðný :)

2004-07-08T08:17:00.000Z

Hún Guðný mín verður 24 ára í dag og vil ég nota tækifærið og óska henni innilega til hamingju með daginn. Það er alltaf gaman að eiga afmæli þótt maður verði alltaf eldri og eldri.

Ég hef ekki bloggað mikið undanfarið aðallega vegna þess að ég hef ekkert að segja. Ég fór ekki á Metallica eða neina aðra tónleika og ef ég á að vera alveg hreinskilin þá hef ég ekki gert neitt spennandi í allt sumar. Ég hef reyndar farið í skemmtilegar afmælis og partý veislur en ekki prófað neitt nýtt.

Kári kom með það comment um daginn að bloggið mitt snerist alfarið um sjónvarpsþætti. Það er svo sem ekki furða þar sem ég afreka lítið annað en að henda mér í sófann þegar ég kem heim og teygja mig í fjarstýringuna. Mér tókst hins vegar að setja inn smá könnun á bloggið mitt, ekkert merkilegt en það væri gaman ef fólk gæfi sér tíma og tæki þátt í henni. Ég stefni svo að því að uppfæra þessa könnun reglulega og setja inn minna klassískar spurningar. Annað sem mig langaði að biðja fólk um og það er að commenta eitthvað á síðuna. Commenta kerfið er öllum opið en fæstir skilja eftir múkk og því veit veit ég ekkert hvort einhver nenni að lesa þetta yfir höfuð. Svolítið letjandi.

Guðmar kallinn er búinn að opna nýja og glæsilega heimasíðu. Ekki það að sú gamla hafi verið eitthvað ljót heldur er sú nýja bara flottari. Allir að kíkja í heimsókn til hans hérna.

Annars fer að styttast í helgina. Eins löng og þessi vika er búin að vera þá hefur hún liðið ótrúlegt fljótt. (furðuleg setning en ok) Máni guðsonur minn átti afmæli 6. júlí en þá varð hann 2 ára og ætlar mamma hans að halda afmælisveislu fyrir hann á laugardag. Ég ætla því að kíkja í búðir á eftir og sjá hvort ég finn ekki eitthvað gæjalegt handa honum. Svo erum við Kári að fara í mat til mömmu á laugardag. Annars ætla ég að vera voða þæg um þessa helgi því seinustu sunnudaga hef ég verið svo þunn að ég hélt ég mundi ekki lifa það af.

Jæja vinnan kallar...

O.C.

2004-07-06T08:05:00.000Z

Enn einn dramatískur O.C. þáttur var á dagskrá Skjás eins í gær. Ég ætla ekki að þylja upp söguþráðinn ef einhver hefur misst af þættinum í gær og bíður endursýningar eða hefur munað eftir að stilla videotækið. Eins og mér fannst þessir þættir frábærir í upphafi þá veit ég ekki alveg hvað mér á að finnast núna. Það gerist aldrei neitt nýtt. Það er eins og þeir hafi verið svo ánægðir með plottið í fyrri þáttum að þeir hafi bara ákveðið að nota það aftur og aftur. Practice mætti svo sterkt í loftið svaka spenna og morðingjar á hverju strái en Guð minn góður hvað þeir voru væmnir. Ræðan sem Eugene hélt átti betur við frelsum heiminn en tilefnið sem hún var haldin við.
Ég eyddi nú samt ekki öllu gærkveldinu fyrir framan imbakassann. Veðrið var einfaldlega of gott til þess. Ég ákvað að drífa mig út á bílaplan og þrífa bílinn! Verkefni sem var long overdue! Svo skemmdi það ekki að ég rakst á Mæju vinkonu út á plani sem hafði einnig fengið sömu hugmynd og ég.
En best að snúa sér að verkefnum dagsins... puhh.

Fjörutíu mínútur eftir

2004-07-02T16:20:00.000Z

Alveg að koma helgi... alveg að koma helgi... bara 40 mínútur og þá má ég fara.

Loksins kominn föstudagur

2004-07-02T08:53:00.000Z

Djöfulli er maður latur. Manni dreymir alla vikuna um föstudag afþví þá fær maður að sofa. Og slappa af. Það mætti halda að maður væri áttræður!
En alla vegana þá er föstudagur í dag.

Ég er nýbyrjuð á fyrsta bindinu af Lord of the rings. Ég vældi út safnið í jólagjöf og því löngu komin tími til að lesa þetta. Ég er ekki búin með nema 150 bls en þeir eru ennþá á leið frá Héraðinu. Ég sé strax rosalega mikin mun á bók og mynd. Allt er eitthvað svo rólegt og yfirvegað í bókinni. Í myndinni þegar Gandalfur kemur aftur til Fróða og segir honum hvað hringurinn sé þá er allt í uppnámi og hárin rísa. Í bókinni líða einhver 20 ár frá því Fróði fær hringinn þangað til hann leggur af stað og hann og Gandalfur sitja í mestu kósindum og ræða hringinn á meðan þeir sötra te og reykja pípur. Svörtu riddararnir líkjast mest villtum ferðamönnum heldur en útsendurum Óvinarins.
Hins vegar fær maður miklu meiri bakgrunn frá bókinni. Eins og er hef ég mest fræðst um Hobbita og sögu þeirra en geri ráð fyrir að fá að vita meira um Álfa og Dverga líka. Menn veit ég náttúrulega allt um :)

Anyway... back to work.

Hvers vegna er ekki föstudagur???

2004-07-01T08:09:00.000Z

Fimmtudagur, fínn dagur en hann er samt ekki föstudagur. Maður er samt kominn í föstudagsfíling einhvern vegin sem er ekki gott því að sjálfsögðu er vinna líka á morgun. Í gær var alltof mikið að gera í vinnunni. Þessi vika átti að vera róleg og það brást! Eins gott að þessi dagur verði ögn skárri!
Útborgunardagur í dag. Það er alltaf gaman. Ég og Guðný vinkona ætlum að missa okkur á laugardag og fara í búðir. Það var því alveg gleði þegar ég opnaði Fréttablaðið í morgun og sá fullt af útsöluauglýsingum. Maður fer þá vonandi ekki á hausinn.

Jæja nóg í bili.

Sibbin

2004-06-29T08:11:00.000Z

ZZZzzzzzzz... væri ég alveg til í að liggja heima uppi í rúmi steinsofandi á meðan þessi kaldi þriðjudagur líður hjá. Sumarið bráðum hálfnað og mér finnst það hafa flogið frá. Var að skoða stundatöfluna mína fyrir næsta vetur. Vona að henni verði ekki breytt því hún er alveg falleg. Er t.d. alltaf í fríi á föstudögum. Og hinir dagarnir verða stuttir. Ég er reyndar bara í 2 áföngum á næstu önn enda ætla ég að skrifa BA ritgerðina mína næsta haust. Ég byrjaði alveg að panika yfir því í gærkveldi því ég hef ekki ennþá hugmynd um hvað mig langar til að skrifa um. Ég var að hugsa um að taka fantasíuna en veit ekki alveg hversu sniðugt það er. Kannski ætti maður bara að hella sér í almennilegt bókmenntaverk!
Arg. Sá einhver O.C. í gærkvöldi? Svaka þáttur maður. Hvernig ætli maður mundi taka því ef fyrrverandi kærastinn manns væri að lúlla hjá mömmu manns. Og afhverju geta Marissa og Ryan ekki bara kiss and make up. Þetta "let's be friends" kjaftæði er alveg þreytt og leiðilegt. Kannski maður ætti að kíkja á tvtome og sjá hvort þau byrja saman aftur. Það er erfitt að standast freistingarnar :)
Svo er Everwood í kvöld. Það eru alveg fínir þættir. Mér leist ekkert á þá fyrst þegar þeir voru að byrja en þeir komu mér alveg á óvart. Enda eru þeir býsna vinsælir bæði hérlendis og erlendis.
Finnst einhverjum fleirum Practice vera orðnir svolítið þreyttir? Ég man þá tíma sem þessir þættir voru í svipuðum gæðaflokk og 24 en þá lá maður yfir þeim og tók andköf. Núna hengur maður yfir þessu af gömlum vana einum. Vonandi batna þeir bráðum.
Ég ætla að fara að vinna.

Myndir frá afmæli Andra

2004-06-28T21:03:00.000Z

Reynir bauðst til að setja myndirnar inn á netið til að spara mér það að senda fólk 8 mb emaila. Það þykir víst mikið ;)
Hérna er linkur til hans.

Godsend

2004-06-28T18:45:00.000Z

Við Kári ákváðum að skella okkur í bíó á sunnudagskvöldið eftir að hafa horft á hörmulegan fótboltaleik þar sem frændur okkar danir duttu úr keppni en fyrir valinu varð nýja stórmyndin Godsend. Einhversstaðar heyrði ég að hún væri í anda What lies Beneath og Sixth Sence. EKKI ALDEILIS! Fín bregðumynd en það er líka allt og sumt. Persónurnar voru óáhugaverðar og plottið ansi þunnt. Svo ég tali nú ekki um söguþráðinn. Fyrir þau ykkar sem finnst gaman að láta sér bregða þá mæli ég alveg með henni en ekki fara með of miklar væntingar eða það sem betra væri - bíðið eftir spólunni.

Þau ykkar sem voru í partýinu hjá Andra á laugardag og langar í myndir sendið mér póst á halldjo@hi.is og ég skal senda ykkur þær. Ég nenni engan vegin að setja þær allar inn á síðuna.

Andri bráðum 25 ára

2004-06-27T17:41:00.000Z

Í gær var okkur boðið í 25 ára afmælið hans Andra en hann verður 25 ára 1. júlí næstkomadi. Allt gamla gengið mætti á staðinn og var skrafað og hlegið fram á nótt.
TIL HAMINGJU MEÐ AFMÆLIÐ ANDRI :)

Föstudagur

2004-06-25T08:04:00.000Z

Loksins er kominn föstudagur. Seinasti dagur vikunnar og þá kemst maður í frí. Það verður ljúft. Sofa og slappa af, og svo náttúrulega djamma. Maður má nú ekki gleyma því!
Annars virðist veðrið ætla að vera voða slappt um helgina. Alla vegana bendir kuldakast seinustu daga til þess. Svo eru einhverjir að tala um snjó og sliddu en ég trúi því ekki fyrr en ég sé það!
Tölvan mín er loksins orðin nothæf eftir mikið vesen en ég hef þurft að strauja hana tvisvar og skrúfa í sundur a.m.k. fjórum sinnum! Á tíma var ég orðin svo pirruð að ég var komin með bíllyklana í hendurnar á leiðinni út að kaupa nýja. Sem betur fer stoppaði Kári mig og nú lítur út fyrir að gamla skranið fái að lifa annan vetur.
Á morgun er svo stór dagur. Forsetakostningar og svo djamm um kvöldið. Ætli næsti sunnudagur verði ekki þynnkudagur eins og svo fjölmargir aðrir sunnudagar á undan og eftir honum.
Guðný mín ef þú ert að lesa þetta þá vil ég gjarnan fara að sjá þig í kaffi og svo minna þig á verslunarferðina sem við stefnum á fljótlega eftir mánaðarmót. Hvað með þar næstu helgi? Ertu í fríi þá? Svo er ég líka með Tupperware dollu heima sem vantar lok á :)
Ykkur hin vil ég óska góðrar helgar :)

Sól og sumar

2004-06-22T08:08:00.000Z

Þá er kominn þriðjudagur og vikan silast áfram hægt og rólega. Reyndar hef ég ekki getað kvartað yfir því að tíminn líður hægt því eins og ég hef oft commentað á þá hafa vikurnar hreinlega flogið burt í sumar. Það táknar samt ekki að þær líði of hratt - Það eru bara helgarnar sem gera það :)
Ég ætlaði að vera voða dugleg þegar ég kæmi heim úr vinnunni í gær og skrifa helling á bloggið en það fór fyrir lítið vegna þess að mér tókst að RÚSTA tölvunni minni. Ég veit ekki alveg hvernig ég fór að þessu en í marga mánuði er hún búin að vera að væla um eitthvað windows file protection og biðja um Windows 2000 diskinn sem ég lét hana loksins fá en þá fór allt í steik. Í staðin fyrir að sækja þessi skjöl sem hana langaði í þá fer hún að setja upp stýrikerfið aftur. Ég fatta þetta of seint (kannski afþví ég var ekki að fylgjast nógu vel með henni heldur glápa á sjónvarpið) og ákveð því að leyfa henni bara að gera þetta og vona það besta. Það fór náttúrulega allt í steik. Hver villumeldingin á fætur annarri. Það tók mig alltof langan tíma að fatta að ég þyrfti náttúrulega að taka nýja skjákortið úr og setja þetta upp á gamla ónýta kortinu og að svo þyrfti ég að slökkva á því áður en ég gæti sett það nýja í aftur. Any way... þetta endar svo að sjálfsögðu með því að ég þarf að strauja alla helv* tölvuna. Var að til eitt í nótt og er ekki búin.
Það varð því lítið úr blogginu :)
Seinasta laugardag hélt Kári upp á útskrift sína frá HÍ. Ég tók nokkrar myndir í veislunni og ætla ég að setja þær inn við tækifæri. (er í vinnunni núna)
Annars dettur mér ekkert sniðugt í hug til að segja. Skrifa kannski meira seinna í dag ef tími gefst :)

Ég á sætasta símavin í heimi!!!!!!!!!!!!

2004-06-16T09:10:00.000Z

Ég skrapp aðeins frá borðinu mínu í svona 10 mínútur og þegar ég kom til baka beið mín fullur poki af nammikossum og sætur bangsi að passa þá.
Ég á alveg góðan vin og get ekki beðið eftir því að komast að því hver það er :)

Símavinir... ekki bara fyrir GSM!

2004-06-15T18:22:00.000Z

Þetta var bara fínn vinnudagur. Ekki afþví það var rólegt að gera eða fólk áberandi kammó í símann heldur vegna alls þess sem gekk á fyrir utan hann. Þetta byrjaði allt í seinustu viku þegar dularfull skilaboð voru sett upp með áletrunum eins og "Átt þú vin" eða "Símavinir ekki bara fyrir GSM". Ýmsar vangaveltur voru um merkingu þessarar orðsendingar eins og hvort verið væri að auglýsa sparnaðarleiðir á öðruvísi hátt. Síðan á föstudag var loksins ljóstrað upp um merkinguna. Í ljósi þess hvað Þjónustuverið er orðið stórt þá er það áhyggjuefni hvað fólk kynnist vinnufélögunum lítið og því var brugðið á smá leik. Á mánudag voru allir látnir draga nafn úr skál og eignast þannig vin. Vinurinn má samt ekki vita hver þú ert fyrir en næstkomandi föstudag en í millitíðinni á maður að vera "góður" við vin sinn. Þetta felur í sér að senda honum SMS af netinu eða skilja eftir eitthvað sætt á borðinu hans þegar vinurinn sér ekki til. Það er ekki ætlast til að neinn fari yfir á vísakortinu en það virtist nú samt ekki stoppa suma. Í allan dag birtust dularfullir pakkar út um allt, nammi, ilmkerti og fleira var það sem ég tók eftir. Ég sjálf hef fengið tvö sms frá mínum símavini og einn pakka sem á stóð "þú ert besti vinur í heimi þinn símavinur :)" og innihélt 3 ilmkerti. Eins kjánalegur og mér fannst þessi leikur vera þegar ég heyrði um hann á föstudag þá verð ég að viðurkenna að ég hef skemmt mér stórvel. Og ekki leiðilegt að fá pakka líka :) Nú verð ég bara að láta mér detta eitthvað sniðugt í hug handa mínum símavini því hingað til hef ég bara sent honum vinaskeyti í gegnum internetið. Allar hugmyndir vel þegnar.

En út í aðra sálma. Þá er þriðjudagurinn senn á enda og því er þessi vika hálfnuð þar sem frí er á fimmtudag. Ég var voða fegin þegar ég uppgötaði það á mánudaginn því það verður sjálfsagt nóg að gera nú þegar útskriftin hans Kára nálgast óðfluga. Ætli maður verði ekki á kafi í ryki og þvottum á 17. júní og svo allt sett á fullt 18. til að redda seinustu atriðunum. Ég var svo ákveðin í að blanda mér ekki í þennan undirbúning og láta Kára sjá alveg um að setja saman gestalista og matseðil en það endar sjálfsagt öðruvísi.

Jæja þetta er fínt í bili. Reyni að skrifa meira á morgun...

Eitt nýtt Meme í tilefni símavinavikunnar...

What type of friend are you? by fraternaltwin2
Name (First and Last)
Nickname (from friends)
Favorite Color?
Your best friend think you are:	Passionate
You boyfriend/girlfriend think you are:	Practical
Your other friends think you are:	Mischievous

Created with the ORIGINAL MemeGen!

Mánudagsslen

2004-06-14T08:09:00.000Z

Þá er enn ein helgin búin. Ótrúlegt hvað þær eru fljótar að líða!
Annars hafði ég það voða gott um helgina. Ég var ein heima á föstudagskvöldið því Kári fór í Hvalfjörðinn með vinnunni sinni til að drekka bjór og grilla. Ég horfði svolítið á sjónvarpið en var mest megnis að dunda mér í tölvunni. Davíð kom svo í heimsókn á laugardagskvöldið og við horfðum á seinustu Lord of the Rings myndina. Þá er maraþoninu formlega lokið (þangað til í vetur en þá ætlum við að taka aðra umferð). Við Kári fórum líka í Kringluna á laugardaginn og kláruðum innkaupin. Loksins. Við fundum fína spariskó á hann og mjög flott jakkaföt. Hann er nefnilega að fara að útskrifast næsta laugardag og þá er eins gott að vera sæmilega til fara.
Ég er samt ekki ennþá búin að finna nein föt á sjálfa mig. Ég er að hugsa um að reyna að draga einhverja vinkonuna með mér í Kringluna í vikunni og hjálpa mér að leita. Það er hálf fyndið að þegar maður er búin að eyða viku í að skoða strákaföt þá verður maður hálf blindur fyrir kvennmannsfötum! Svo er líka gott að hafa vinkonu með sér sem hikar ekki við að segja manni ef maður er feitur og púkalegur í einhverju í staðin fyrir "þú ert mjög fín elskan".

Kvef og slef

2004-06-09T16:42:00.000Z

Þá er miðvikudagurinn nánast á enda og því vikan hálfnuð. Það er samt alltof langt í helgina. Það er búið að vera frekar rólegt í vinnunni í dag en að sjálsögðu hef ég gert allt annað en að blogga. En ætla að bæta aðeins úr því núna.
Guðrún vinkona var svo indæl að smita mig af kvefinu sínu þannig að ég er öll hálf biluð þessa dagana. Einstaklega fallega gert af henni. Vona að ég geti borgað henni til baka fljótlega :) Ég var víst búin að lofa myndum frá seinustu helgi en ég er að hugsa um að svíkja það. Ég tók reyndar nokkrar myndir en engin þeirra var neitt spes svo ég sleppi því bara. Helgin var annars ágæt, Guðrún bauð upp á glæsilegt svart spakettí á laugardag sem var skolað niður með hvítvíni og fleiru. Ég stoppaði reyndar ekki lengi hjá henni og var komin heim á "kristilegum tíma" sem reyndar var hálf tvö ef ég man rétt. Við Kári fórum svo í Smáralind á sunnudag til að versla okkur föt og fundum við helling á hann en ég fékk ekki svo mikið sem nýtt sokkapar. Við fórum í allar búðir í Smáralind til að leita að nýjum skóm og svo tókum við Skeifuna í gær en allt án árangurs. Við ætlum að reyna að kíkja í Kringluna um helgina og leita að skóm og ef það bregst þá veit ég ekki hvað ég á að taka til bragðs.
Í gær voru vorþrif á sameigninni heima. Mætingin var svona 150% betri en í fyrra en samt voru ótrúlega margir sem létu ekki sjá sig. Merkilegt hvað fólk getur "gleymt" hlutum. Ef ég væri ræstingastjórinn þá yrði ég snögg að senda reikning á liðið.
Jæja klukkan alveg að verða fimm en þá er þessi vinnudagur lokinn og helgin enn nær en hún var í morgun.
Bæjó.

Helgin undirbúin

2004-06-03T20:02:00.000Z

Það er farið að styttast í helgina og þar sem fimmtudagurinn er nánast búinn þá er helgin svo gott sem komin. Bara þrauka 9 tíma vinnudag á morgun og svo er maður hólpinn. Þ.e.a.s. fram á mánudag. Það er nú samt ótrúlegt hvað dagarnir líða hratt. Þetta var nú líka bara fjögra daga vinnuvika og það er ótrúlegt hvað það munar miklu.
Eftir vinnu í dag ákváðum við Kári að skreppa í Kringluna og versla smá. Við erum bæði komin í engan smá fataskort og svo þurftum við líka að kaupa smá öl fyrir helgina. Kári greyið var að farast úr ofnæmi svo verslunarferðin sem ég var búin að hlakka til náði bara í eina búð og á Subway. Reyndar átvr líka en ég tel það nú ekki með. Ég verð bara að gera aðra tilraun fljótlega.
Helgin er orðin duglega skipulögð. Guðmar vinur okkar ætlar að halda gleði á föstdag í tilefni 25 ára afmælis síns þann 1. júní síðast liðinn. Svo á laugardag er Guðrún vinkona búin að bjóða mér og nokkrum öðrum stelpum í mat svo það ætti að vera nóg stuð. Að ógleymdum Harry Potter! Reyndar er Guðrún greyið veik. Náði sér í þetta svaka kvef greyið stelpan. Vonandi að hún verði orðin hress á laugardag.
Vonandi næ ég einhverjum skemmtilegum myndum um helgina til að setja inn á síðuna. Myndavélin verður alla vegana með í för!
Jæja nóg í bili. Bæjó.

Your Years at Hogwarts by nevermindless
Name:
The Sorting Hat places you in:	Hufflepuff (Yellow and Black)
Subject you are naturally best at:	Defense Against the Dark Arts
Your favorite book:	Magical Water Plants of the Mediterranean
Pet you bring to school:	Pearl Rat
You are most known for:	Being studious.

Created with the ORIGINAL MemeGen!

Brotið blað í sögu Íslands

2004-06-02T21:04:00.000Z

Þá er vikan hálfnuð og alltof langt síðan ég hef haft tima til að blogga. Það er búið að vera brjálað að gera í vinnunni og ég á ekki von á að það skáni neitt. Eini kosturinn við það er að dagarnir fljúga en ég er yfirleitt dauðþreytt þegar ég kem heim. Eins og allir hafa sjálfsagt tekið eftir þá komst dagurinn í dag á spjöld sögunnar þegar forsetinn okkar beitti neitunarvaldi sínu í fyrsta skiptið. Ég átti svo ekki von á þessu! Ég var svo viss um að hann mundi skrifa undir og lýsa því svo yfir hvað hann væri sáttur við þá ákvörðun. En ó nei. Það var mikið klappað í vinnunni í dag þegar Ólafur tilkynnti þetta og fréttirnar í kvöld voru undirlagðar af frumvarpinu. Það er eins og ekkert annað hafi gerst í dag. Ég reyndar sofnaði yfir fréttinum og rumskaði ekki fyrr en seint og síðar meir en samt voru þeir ennþá að tala um þetta í sjónvarpinu. Það verður svo spennandi að sjá hvernig atkvæðagreiðslan fer.
Annar aðilinn sem les þetta blogg mitt var að kvarta yfir því að hún gæti ekki commentað þar sem hún væri ekki skráður blogspot notandi en ég er búin að laga það svo nú ættu allir að geta sagt eitthvað svo SEGIÐ EITTHVAÐ! Mér þætti líka vænt um ef einhver nennti að skrifa í gestabókina mína því hún er alveg tóm.
Kári fór til bróður síns í kvöld að hjálpa honum að setja upp tölvuna sína svo ég er alein heima. Það er svo langt síðan ég hef búið ein að mér finnst alltaf jafn skrítið þegar ég er ein í kotinu. Næsta laugardag fer ég svo á Harry Potter í bíó ásamt fullt af vinum og samstarfsmönnum. Síminn var svo indæll að kaupa sýningu á myndina svo ég kemst á hana án þess að standa í biðröð eftir miðum. Þriðja myndin á víst að vera svaka spennandi og drungaleg og ég er alveg orðin spennt. Fyrir þau ykkar sem ekki vita er ég mikill Harry Potter aðdáandi og búin að lesa allar bækurnar tvisvar. Seinna skiptið var reyndar ekki alveg mér að kenna þar sem ég skrifaði lokaritgerð í Barna og Unglingabókmenntum um Harry Potter og tók fyrstu þrjár bækurnar. Og þar sem ég var komin í mikið stuð þá ákvað ég að lesa 4 og 5 aftur þegar ég var búin með ritgerðina. Þeir ófáu sem eiga ennþá eftir að sjá trailer geta séð hann hérna á heimasíðu Harry Potter myndarinnar. Geðveikt cool síða.
Annars hef ég ekki frá neinu sérstöku að segja. Hef vonandi eitthvað spennandi að sega frá þegar fer að líða nær helginni.

Korn

2004-05-31T18:25:00.000Z

Jæja þá er kominn mánudagur og þessi langa helgi bráðum búin. Það táknar að ég þarf að mæta í vinnuna á morgun og leti lífinu er lokið. Ég hef samt kvöldið í kvöld svo ekki þarf að örvænta alveg strax.
Kári er á leiðinni á Korn tónleika með Krumma litla bróður mínum. Sá stutti var ekki nógu gamall til að fara einn svo Kári ákvað að fórna sér og fylgja honum á tónleikana. Ég held samt að honum hafi langað alveg jafn mikið og Krumma til að fara. Ég sit því ein heima í kvöld en það er allt í lagi því mánudagar eru uppáhalds sjónvarpsdagarnir mínir. Klukkan átta byrjar O.C. sem er algjör snilld og svo tekur Survivior við og að lokum C.S.I. Sannkölluð sjónvarpsveisla. Verst að þetta eru seinustu þættirnir af Survivor og C.S.I svo það er eins gott að Skjár einn komi með eitthvað sniðugt í staðin því hingað til hefur þetta alveg reddað mánudögunum sem yfirleitt eru major fúlir.

Who were you in a past life? by Kat007
Name:
Birthdate:
Favorite Color:
Country:
You were most probably:	Edgar Allan Poe
If not then you were:	A nobody named Sal

Created with the ORIGINAL MemeGen!

Lord of the Rings

2004-05-30T18:54:00.000Z

Þá er seinasta Lord of the Rings myndin komin út á DVD og að sjálfsögðu var ég ein af þeim fyrstu sem mætti í BT og fjárfesti í eintaki. Síðan var ákveðið að hafa LOTR maraþon um helgina og horfa á allar myndirnar í réttri röð. Davíð vinur minn kom í heimsókn en hann hafði ekki séð neina af myndunum og því ekki seinna vænna. Við vissum svo sem fyrirfram að ómögulegt væri að horfa á allar myndirnar þrjár á einu kvöldi en okkur tókst samt að horfa á fyrstu tvær en þá vorum við líka orðin stjörf af þreytu. (Maður er víst ekki eins ungur og maður var!) Þriðja myndin fær svo að bíða aðeins en samt ekki of lengi.

Dagurinn í dag hefur svo einkennst af algjörri leti. Ég byrjaði að lesa Artemis Fowl en sofnaði yfir henni, ekki það að hún væri svo leiðilegt heldur vill ég frekar kenna maraþoninu frá kvöldinu áður um. Síðan ég vaknaði hef ég einbeitt mér að því að gera nákvæmlega ekki neitt. Ætli ég haldi því ekki áfram í kvöld.
Jæja ég hef ekkert fleira að segja í bili.

Enn að prófa

2004-05-28T23:49:00.000Z

Jæja þá er ég búin að breyta uppsetningunni svolítið, færa yfir á íslensku og aðrar smávægilegar breytingar. Guðrún vinkona benti mér á skemmtilega síðu sem bíður upp á alls konar skemmtilega... ja ég veit ekki alveg hvað ég á að kalla þetta:

What Makes You Sexy? by eva71
Name/NickName
Gender
Sexy Body Part Is	Your Lips
Special Talents Are	Everything (Multi-talented)

Created with the ORIGINAL MemeGen!

Loksins

2004-05-28T16:04:00.000Z

Jæja þá er maður loksins búinn að fá sér blogg og ekki seinna vænna. Maður var orðinn hálf útundan í þessu blogg samfélagi. Eins og er þá er ég að reyna að læra á þetta dót svo ég vona innilega að enginn lesi þetta.